將被社會批判嘅經歷，轉化為滋養你嘅精神資產。
ERA（Experience Restructuring Analysis 經歷重構分析）係一部『精神型廚餘回收機』。將你難以啟齒嘅經歷放落嚟，我哋就會運用精神分析同論述分析技術，幫你將佢轉化成一份專屬報告，話畀你聽你嘅『無意識』到底同你講緊啲咩。
放入你知道會被社會批判嘅經歷：例如非常規親密關係（出軌、第三者等）、迷幻探索經驗、社會創傷，或者暗黑情感（復仇慾望、極度憎恨等）。
受過博士級研究型學術訓練嘅分析師，會將你嘅經歷錄音並轉為逐字稿，然後運用「精神分析 x 論述分析」兩大精密框架，進行全人手分析。(整個過程受嚴格嘅「學術研究級保密程序」保護，進行前會先同你簽訂保密協議。)
你將會收到：
無意識分析報告：揭示喺無意識層面嘅你，究竟傳遞緊咩訊息。「無意識」正正係令你人生某方面不斷進入「換湯不換藥」循環嘅核心。
Tailor-made 行動方案：了解報告後，話畀我哋知你嘅目標。我哋會對應無意識嘅詳細分析結果，為你設計專屬行動方案，將效率最大化，助你直達目標。
你嗰啲被社會禁制嘅經歷，其實極具探索價值。
唔好再白白浪費，即刻將佢哋放入嚟，轉化為你專屬嘅精神資產！
我哋將難以啟齒嘅經歷，
轉化為精神資產。
有咩經歷適合投入 ERA 回收機，
轉化為拆解人生循環嘅「無意識報告」？
只要係令你念念不忘、無法放下嘅經歷，都可以交託畀我哋進行「回收」。
但我哋會優先處理「非常規經歷」——呢類經歷發生後，主流社會通常會要求你「收埋佢」或者「當垃圾揼咗佢」；現實中極少空間畀你好好安放同探索，好多時連面對朋友都難以啟齒。
當中包括但不限於：
01: 非常規親密關係
一講出嚟就預咗會被身邊朋友、屋企人、同事，甚至整個社會「鬧爆」嘅關係（例如：出軌、第三者等）。
02: 社會創傷
明知唔單止係個人層面所造成嘅唔舒服（包括傷心、憤怒、無力感等），源頭可以細至工作場所，大至大型社會事件。
03: 啟靈探索體驗*
喺海外合法地區進行啟靈探索後，湧現出難以用邏輯解釋嘅思想、情感，甚至畫面。
04: 暗黑情感
極度沉重、難以公開承認嘅強烈情感（例如：憎恨、憤怒、復仇心等）。
ERA 就係為此而生嘅專業回收機器。你而家唔需要再強行遺棄或壓抑佢哋。
將經歷放入機器，我哋會將佢轉化為一份嚟自你無意識層面嘅詳細訊息（無意識分析報告），
令你真正明白人生點解會陷入某啲循環，並搵出走出循環嘅方案。
[ 法律與合規聲明 ]
PsyCode Studio 嚴格遵守香港特別行政區的所有現行法律營運。我們明確聲明：本工作室絕不容許、煽惑、鼓勵、提倡或協助任何人獲取、管有或使用任何危險藥物（Dangerous Drugs）或受管制物質，亦不支持參與任何非法活動。
在諮詢過程中，任何涉及過去意識狀態改變或迷幻體驗的探討，均純屬「事後回顧」（Retrospective）性質。
我們的分析服務嚴格局限於對客戶過去的思想、敘事及經歷進行學術與精神分析層面的解構，絕不構成對未來任何違法行為的指引、暗示或鼓勵。
ERA 嘅三大定位
社會禁忌回收站
每個人都有難以啟齒嘅經歷。難以啟齒，係因為驚一講出口，就會被身邊人企喺道德高地批判；甚至會被心理學或精神醫學標籤為「疾病」同「症狀」。結果，我哋被迫將佢哋深埋心底，當成精神垃圾咁揼走。
ERA 堅守「社會學 x 精神分析」嘅取向，認為冇經歷係垃圾。每個人嘅經歷都係珍貴嘅，重點係點樣善用佢成為學習資源。我哋提供空間同技術去「回收」呢啲經歷，減少社會嘅「精神垃圾」。
「每個人嘅經歷都獨特而珍貴。點解要因為社會禁忌就白白浪費，而唔將佢變成對你成長有用嘅精神資產？」
分析型樹窿
當你懷有難以啟齒嘅經歷，你可能只需要一個樹窿。你唔需要人明白，亦唔需要安慰，你只係需要一個投放嘅空間。
ERA 完美契合呢種需求：我哋並不在乎明白同安慰客人。我哋只在乎為你嗰啲即將被「遺棄」嘅珍貴經驗提供回收空間，將佢轉化為對你精神成長有用嘅報告，發揮經歷嘅最大功效。
「既然點都要搵樹窿，點解唔搵個『分析型樹窿』？喺你傾訴嘅同時，攞返份無意識分析報告，深入了解更深層嘅自己。」
學術研究級「回收機器」
你嘅非常規經歷好私密，唔值得隨便交託畀坊間質素參差嘅諮詢師去「解釋」，甚至「扭曲」。ERA 並不在乎「解釋」你嘅經驗。我哋更在乎嘅，係『復述緊經驗嘅你』。就好似一個人揼垃圾，我哋唔係分析「嗰袋垃圾」，而係分析你「揼緊垃圾呢個動作」（包括行出嚟嘅步數、力度、揀咩垃圾袋、垃圾嘅類型等）所透露嘅隱藏訊息，最終萃取出無意識層面嘅資訊。
當你用說話分享思想時，無意識層面嘅你已經「講緊嘢」。說話係意識同無意識嘅結合體（就好似一張白紙永遠有底面兩面）。解讀「面」嗰邊，需要識語言嘅文法 (就好似要識英文文法咁樣)；解讀「底」嗰邊，就需要識「無意識」嘅運作文法。受過博士級學術訓練嘅 ERA 分析師，正正精通「底」嗰邊嘅文法結構。我哋會分析你嘅分享過程，拆解背後一直操控住你、令你進入循環嘅深層訊息。
「我哋嘅分析對象唔係『獨特經驗』，而係『復述緊獨特經驗嘅你』。我哋將你分享嘅一刻，轉化為更深層嘅精神資產。」
我哋唔係情緒輔導員、社工、臨床心理學家或精神科醫生。
我哋係全港首創，專注做「『精神垃圾』回收工作」嘅分析師。
ERA 嘅使命與
運作模式
「『精神垃圾』回收行動」係一場捍衛人類經驗寶貴性嘅意識形態運動。
人生每一個經歷都係獨特嘅，唔應該被「心理學 / 精神病學」所殖民同解釋，亦唔應被社會道德規範所束縛。
被反覆標籤、禁制嘅經歷並唔係垃圾，而係值得被探索嘅成長原材料。ERA 分析師嘅技術為此而生。我哋拒絕傳統嘅「輔導 / 治療關係」，開拓出嶄新嘅「使用者 / 分析機器」關係。你點樣運用呢份報告去行動，並唔屬於我哋嘅服務範圍；我哋嘅專業，只專注於為你執行極致嘅「回收」轉化。
輸入經歷
透過自由聯想訪談，引導你深入探索非常規經歷中嘅零碎感受與思想。（全程錄音並受嚴格學術保密協議保護）
分析經歷
將對話轉化為逐字稿，運用 MAXQDA 軟件，並嚴謹結合拉岡精神分析與 Logics Approach 進行人手深度分析。
報告產出
交付專屬嘅「無意識分析報告」（ERA Report）及行動方案，助你打破不斷重複嘅人生困局。
減少由社會規範造成嘅精神垃圾。
透過建立「使用者 / 分析機器」嘅關係，ERA 希望大幅減少由社會規範造成嘅精神垃圾，令社會有空間、亦有技術去善用所有類型嘅人生經歷。
「分享經歷，洞悉死結，掌握解局方向。」